Урьд өмнө хүмүүст илэрч байгаагүй шинэ төрлийн корона вирусын түүх, шинж тэмдэг, халдвар, урьдчилан сэргийлэх чиглэлийг голлон тусгалаа. Корона вируст халдвар (CoV) бол ердийн ханиаднаас өгсүүлээд Ойрх дорнодод бүртгэгдсэн амьсгалын замын хам шинж (MERS-CoV), Хүнд хэлбэрийн амьсгалын цочмог халтай хам шинж (SARS-CoV) зэрэг хүнд өвчнийг үүсгэдэг томоохон бүл вирус юм. Корона вирус амьтнаас хүнд халддаг, өөрөөр хэлбэл, хүн амьтан хооронд дамждаг гэсэн үг.

Уг өвчний дэгдэлт халдвар авсан хүмүүсийн эрүүл мэндэд хэр ноцтой нөлөөлж, дэгдэлт гарсан газар, улс орнуудын эрүүл мэндийн тусламж, үйлчилгээний нөөц бололцоонд ямар үр дагавар авчирч болзошгүйг эл сургалтаар ярилцана. Халдварласан тохиолдолд амьсгалын замын хүндрэл үүсэх, халуурах, ханиах, амьсгал давчдах, бачуурах зэрэг түгээмэл шинж тэмдэг илэрнэ. Илүү хүнд туссан үед халдварын улмаас уушгины үрэвсэл, амьсгалын замын цочмог хам шинж, бөөрний дутагдал, цаашлаад үхэлд хүргэх нь бий.

Өвөрмөц санаачилга болох эл сургалт Швейцарийн Женев хот дахь Дэлхийн Эрүүл Мэндийн Байгууллага (ДЭМБ) болон АНУ-ын Өвчний Хяналтын Төвөөс (ӨХТ) гаргасан мэдээлэлд үндэслэсэн. Алисоны зүгээс энэхүү цар тахал өвчинтэй тэмцэх шуурхай арга хэмжээний тухай олон улсын гэрчилгээт сургалтын тогтолцоо бий болгох зорилгоор гаргасан шинэлэг санаачилгын нэгэн хэсэг нь энэ сургалт юм. Сургалтын агуулгыг өдөр бүр шинэчлэх бөгөөд эцэстээ зуу гаруй хэлээр хүргэнэ. Уг вирус, түүний аюулын талаар мэдээлэлжих, ойлголттой болохыг хөхиүлэн дэмжих үүднээс дэлхий даяар PDF хэлбэрээр цахим гэрчилгээ үнэ төлбөргүй олгох боломжийг мөн бүрдүүлсэн. Сургалтад хамрагдсанаар та шинэ төрлийн корона вирусаас өөрт болон бусдад учруулж болзошгүй аюулыг хэрхэн даван туулах нь оновчтой талаар байнга мэдээлэлтэй байж чадна. Тиймээс хүлээх хэрэг юун? Цахим хичээлээ одоо шууд үзэж эхлээд ганц хоёрхон цагийн дотор өөрийгөө, гэр бүлээ болон ойр орчмынхноо корона вируст өртөх, халдаахаас хамгаалахад хэрэгтэй мэдлэг эзэмшээд аваарай.